Skuovvadeddjiid gonagas

av Sigbjørn Skåden

11. Oassi

Spánjolaid oarjerittu nalde
skihčče njárggas
man namma lea Njiŋŋelasnjárga,
meara ja meara gaskkan
Sierra de Gádora hallanasa lahka.
Danne,
Mediterránarmeara sáltteruonaid sinne,
veallá unnabinnos gávpogas,
Rodalquilaran nábdon
beakkán soahtegeamppa maŋŋiel,
conquistador ja barbáraid hearrá,
Rodalquilara gudni,
ja golbma siiddun lea mearra,
gávpoga áidna čalbmi,
áidna njálbmi;
lea gus vejolas nie eallit?
nu dat lea,
ja Geasanasa nuhtaid mielde
oidnen mon Rodalquilara
ja midjas čuovvut galggai.

Rodalquilar lii vuogas báiki bejássaddat,
oskku siivos askki sinne elii álbmot,
nubbi skovlá nieiddaide,
nubbi skovlá bártniide,
ja mearra gaittiinnaid birra
gaittiinveagalas báhppan,
akta skuovvan,
njárgalávki eananrabdda maŋimus gearggi nalde,
njiŋŋelaččaid stullansedji;
Maria Concepcion,
njárggža stuorra fávru,
rávjjaid niehku,
dak geak mearan gesse,
dak geak várin rogge,
muht‵ Maria miella lii dobddus:
Juan dat sidai.

Dobddak gus biekka,
Rodalquilar,
midjas nuorttan boahtá?
dobddak gus sániid
mahka vuoiŋŋak čuvgejik?
vuoiŋŋak gus sálttiid ja nuhtaid
galmmas mearan?
Soahteprinsá vuoigŋá du niskká vuolus,
mon oainnán du,
Señor Conquistador!
Dara!
Gonagas du guovllada!
ja Juan jorkkii muitalusain
goktes trubadura skuovvadeaddjin
ja geasanas muitaleaddjin sattai,
dego mon oidnen
Maria Concepciona morrasa
ja du hármmá
go mánák ságaid guldalin
dunn-denn-stip-ste
ja áhpi rabas lii.

Boken er utgitt av Nasjonalbiblioteket

Last ned

Last ned hele boken til mobil/nettbrett i .epub-format eller som .mobi.
Du kan også skrive ut boken som .pdf eller html.

Om Skuovvadeddjiid gonagas

Skuovvadeddjiid gonagas ble utgitt i 2004 og var Sigbjørn Skådens debutverk. Det episke diktet handler om en ung samisk mann, Jusup, som vender hjem etter flere år som omreisende i Europa. Historien henspiller på sagnet om den evige jøde, og Jusup sammenlignes med jøden. Handlingen er lagt til mellomkrigstiden.

Boken ble nominert til Nordisk Råds Litteraturpris 2007 og samme år utga Skåden en norsk gjendiktning, Skomakernes konge.

Les mer..

Om Sigbjørn Skåden

Sigbjørn Skåden har utgitt både skjønnlitterære verk og faktabøker. Han skriver på både samisk og norsk.

Les mer..

Faksimiler

For denne boken finnes det også faksimiler tilgjengelig:

Del boken

Tips dine venner om denne boken!

Del på Twitter
Del på Facebook

Gå ikke glipp av ett eneste ord.

Fyll ut e-posten din under så vi kan varsle deg når nye verk publiseres.